Ian Midgley ishte një tifoz i apasionuar i Leicester City, aq sa merrte avionin nga Dubai e kthehej në shtëpi sa herë që skuadra e tij luante brenda. Për Krishtlindje, duke përfituar nga rasti që ishte me pushime, vendosi ta ndiqte skuadrën familjarisht edhe në transfertën me Liverpool. Nuk ia arriti kurrë, pasi një infarkt në zemër i dha fund jetës së tij në mishën 54 vjeç. Një hidhërim i kuptueshëm për gruan e tij, Denise, e cila ditët e fundit është habitur jashtë mase teksa ka marrë një letër ngushëllimi nga trajneri i Liverpoolit, Jurgen Klopp.
Kur mori vesh çfarë kishte ndodhur, trajneri i Reds ndjeu dëshirën t’i bënte një homazh tifozit të përkushtuar, të ikur para kohe nga kjo botë, duke i shkruar të vesë një letër me stemën e Liverpoolit.
“Më vjen keq t’ju shkruaj në rrethana kaq të trishtuara, por mësova se burri juaj, Ian, vdiq teksa ishte në Liverpool për ndeshjen. Në Liverpool, tifozët janë pjesë e një familjeje të madhe dhe e di që Ian ishte tifozë i zjarrtë i Lecesterit, ndaj familja e Leicester ka humbur tragjikisht një tifoz vërtet besnik. Ndaj, në emër të të gjithëve në Liverpool FC, ju shpreh ngushëllimet më të përzemërta. Ju dhe familja juaj do të jeni në mendimet tona”.
E si të mos mjaftonin këto fjalë, ajo që e bëri edhe më prekës mesazhin ishte fraza e famshme “You’ll Never Walk Alone”, me të cilën Klopp mbyllte letrën, poshtë emrit të tij.
“You’ll never walk alone” është një këngë amerikane që shumë klube, jo vetëm futbolli, e kanë adoptuar si kolonë zanore të tyre, por në botë njihet si himni i Liverpoolit, pasi në “Anfield” ka krijuar një lidhje të jashtëzakonshme me skuadrës dhe tifozëve që e kondojnë përherë fuqishëm në kor.
