Klodi Lesi, shqiptari që vrau gruan greke është munduar të shfajësohet për krimin para gjykatës dhe u ka kërkuar ndjesë fëmijëve të tij dhe familjes së gruas.
Media greke raporton se ai ka treguar për ngjarjen, por nuk ka ditur të thotë saktësisht se ai arriti ta vriste gruan me thikë.
“I kërkoj falje familjes së gruas sime, fëmijëve të mi dhe shoqërisë. I kërkoj falje edhe policisë greke që i solla vërdallë për 18 ditë dhe fëmijëve të mi që i lashë jetimë”, ka thënë ai.
“Unë nuk i kisha parë fëmijët që nga Krishtlindjet dhe i kerkova të merrja djalin për dy ditë gjate Epifanisë dhe ajo pranoi. Por atë ditë ajo e mori prapë. Kur dola prapë për t’i parë fëmijët ajo më tha se nuk do t’i shoh më. Aty më iku mendja, shkova në shtëpi, por pastaj nuk mbaj mend gjë”.
Ai ka thënë se kujtesa iu kthye më vonë kur pa veten me djalin e vogël dhe duart e lara me gjak. “Pashë gjak në duar. Pasi kuptova se isha mirë me shëndet dhe nuk kisha pësuar gjë, kontrollova djalin, edhe ai ishte mirë. Pastaj kuptova se diçka e keqe duhet të kishte ndodhur, por jo se kisha vrarë gruan time”.
Lesi shtoi më tej se nuk imagjinonte të kishte bërë diçka të tillë. “Nuk e imagjinoja të kisha bërë diçka të keqe. Mendova të dorëzohesha, por pastaj ndërrova mendje, me frikën se do të abuzohej me mua dhe nuk doja t’i lija këtë imazh tim biri për mua”.
