Kandidati i të majtës Erion Veliaj e ka përmbledhur kështu në mënyrë figurative, listën e problemeve mjedisore që ka Tirana. Ai ka prezantuar programin për mjedisin, së bashku me ministrin Lefter Koka. Ministri Koka tha se “Për të pasur një mjedis të pastër edhe në Tiranë kemi kërkuar bashkëpunim edhe me bashkinë e Tiranës por ka qenë i pamundur. Po ju jap të dhënat e cilësisë së ajrit, ndotjes akustike dhe gjithë parametrave të tjerë të mjedisit. Sot këto janë parametrat zyrtarë dhe jam i bindur se pas 4 vitesh do të dilni të flisni para qytetarëve shqiptarë me shifra të ndryshuara”.
Ndërsa Veliaj u shreh se “Për herë të parë kemi një ekip të angazhuar në Ministrinë e Mjedisit. Më parë ishte në Ministrinë e Mjedisit dikush që kishte bërë Gërdecin. Kjo është një garë jo për tu qetësuar por për tu shqetësuar. Xhemal Mato argumentoi se 1 ndër 500 qytetarë të Tiranës që vdesin çdo vit e kanë shkakun tek këto raporte. Nuk ka asnjë habi pse jemi këtu ku jemi. E vetmja punë që ka bërë kryetari i bashkisë në këto 4 vjet është ti japë leje vetes së vet për të ndërtuar katin e 13të mbi shtëpinë e tij në katin e 12të. Nuk ke ça pret nga një kryetar bashkie që jeton në Holandë. Nuk na duhet një kryetar i bashkisë që punon vetëm për vete. Duam njerëz që janë në Tiranë 365 ditë, në krye të punës. Qyteti sot dëshmi e kësaj katastrofe, dëshmi e asaj që u vodhën zgjedhjet. Dëshmi ishin Shkëlzeni me kalë, ndërtime tek diga dhe zgjerimi i klinikës”.
