Meteorologë nga e gjithë Azia ndoqën një seminar në internet për të identifikuar mënyra më të mira për të bashkëpunuar në përmirësimin e aftësive rajonale të paralajmërimit të fatkeqësive.
Ekspertët nga më shumë se 20 vende, rajone dhe organizata ndërkombëtare, duke përfshirë Kinën, Tajlandën, Mianmarin dhe Taxhikistanin, morën pjesë në seminarin mbi Rritjen e Kapacitetit të Paralajmërimit Rajonal të Fatkeqësive në Azi, organizuar nga Administrata Meteorologjike e Kinës, raporton “China Daily”.
Cao Zhiyu, kryeinxhinier në Qendrën Kombëtare të Paralajmërimit të Hershëm, trajtoi disa mangësi në aftësitë paralajmëruese për ngjarje të tilla si tajfunet, stuhitë e dendura shiu dhe epidemitë. Ai tha se është e nevojshme të përmirësohet aftësia për të dërguar alarme të sakta për çdo familje.
“Megjithatë, nuk mjafton që shërbimi i alarmit të mbulojë zonat e largëta rurale malore dhe rurale të Kinës. Teknologjia e re me zhvillim të shpejtë ka ndryshuar modelin tradicional të lëshimit të informacionit, kështu që disa funksione paralajmëruese mund të jenë të vjetruara”, -theksoi Cao.
Sipas tij, qendra është e gatshme të bashkëpunojë me mediat, duke përfshirë mediat sociale dhe aplikacionet e smartfonëve për të nxjerrë informacione dhe paralajmërime për publikun.
/b.h
