Në një dëshmi 34-vjeçari që mori pjesë në hetim thotë se, Balili i kalonte kamionët me drogë pasi nuk kontrollohej nga dogana . Madje në një regjistrim të siguruar në 5 maj të këtij viti dëgjohet edhe zëri i Balilit i cili jep urdhëra skafistit për të marrë drogën në gjirin e Ssarandës.
“Tani jam ne mes të gjirit” thotë skafisti ndërsa Balili i kërkon që të ecë ngadalë.
“Balili është një drejtues i organizatës, që ka për detyrë furnizimin me lëndë narkotike, në mënyrë të paligjshme nga Shqipëria në Europë”, thotë për gazetën 34-vjecari i cili zbulon se Balili siguronte kalimin e kamionëve, pa u kontrolluar në pikat doganore kur kalonin në Greqi dhe u dërgonte para anëtarëve të organizatës përmes kompanive të transfertave të parave.
Balili njohet për lidhjet me Dhimitër Ponti një tjetër shqiptar i arrestuar për trafik lëndësh narkotike në Belgjikë. Klement Balili i njohur me pseudonimin Keli, ish-drejtori i Transporteve në Sarandë, që prej muajit maj të këtij është shpallur në kërkim nga DEA amerikane, policia greke dhe jo vetëm si kreu i një organizate kriminale ndërkombëtare që trafikonte sasi të mëdha lendesh narkotike në Evropën Qendrore dhe Evropën Perëndimore.
