(Update) Me urdhër të Prokurorisë së Krimeve të Rënda është arrestuar gjyqtari Rasim Doda. Ishte Këshilli i Lartë i Drejtësisë i cili në mbledhjen e sotme votoi pro arrestimit të gjyqtarit të Sarandës i vënë nën akuzë për korrupsion.
Në këtë mënyrë Prokuroria zbatoi vendimin duke vënë në pranga Gjyqtarin e Gjykatës së Sarandës Rasim Doda.
KLD voton për arrestimin e gjyqtarit Rasim Doda për korrupsion
Këshilli i Lartë i Drejtësisë më në fund i ka dhënë dritën jeshile arrestimit të një gjyqtari. Në mbledhjen e sotme KLD ka votuar pro arrestimit të gjyqtarit të Sarandës Rasim Doda.
Ky aprovim vjen pas kërkesës së Prokurorisë e cila kërkoi arrestimin e gjyqtarit të Sarandës i cili akuzohet për korrupsion.
Pas miratimit të KLD-së, tashmë pritet edhe zbatimi i urdhrit të arrestimit të gjyqtarit Rasim Doda.
