Ish drejtuesit e policisë së Vlorës të shpallur në kërkim nga prokuroria e krimeve te renda u zbuluan fillimisht nga komunikimet pakujdesshme te anëtareve te grupit Habilaj.
“Taulant Haxhiraj i arrestuar si një nga bashkëpunëtorët e Habilajve në Shqipëri dhe që menaxhonte parcelat me kanabis ne Treblovë të Vlorës shprehej shpesh gjate komunikimit me bashkëpunëtorëve e tij se kjo punë bëhej me shtet” – raporton Vizion Plus.
Mjaftuan përgjime që hetuesit të shtrinin dyshimet dhe mbi zinxhirin drejtues të policisë së Vlorës të cilët mund të ndihmonin në trafikun e tonelatave të kanabisit drejt Italisë.
“Vizion+” thotë se dyshimet u përforcuan dhe pas mbërritjes së dosjes Italiane ku grupi i Habilajve fliste hapur për bashkëpunimin e tyre me policinë.
Për drogën e sekuestruar në Treblovë e Vezhdanishtë një vit më parë në pranga ra dhe një oficer policie, Renaldo Avduli.
Verifikimet e prokurorisë deri më tani kanë nxjerrë te implikuar 3 ish zyrtarë të policisë së Vlorës por grupi hetimor nuk përjashton mundësinë që ky numër të jetë dhe më i lartë. /b.d
