“Kjo nuk është Amerika”, Edi Paloka zbulon puçin ndaj Donald Trump: Po ia bëjnë njësoj si doktor Berishës…

Edi Paloka ka zbuluar puçin global ndaj Donald Trump, që sipas tij drejtohet nga Soros.

Sipas Palokës, Soros po bën të njëjtën gjë si me Trump, edhe me Berishën.

Postimi i Palokës

“Kjo nuk është Amerika”!

Është deklaratë e presidentit të 45 të Shteteve të Bashkuara pak orë më parë. Drejtësia është kthyer në nje armë politike – thotë presidenti Trump.

Prej kohesh ish-presidentit i duhet të ndajë kohen mes fushatës elektorale dhe gjykatave që paralelisht i kanë hapur një mori çështjesh edhe nga më qesharaket e banalet.

Pikërisht vendimeve për një çështje të tillë i referohet dhe kjo deklaratë e kandidatit për president.

Një shkrimtare, E. Jean Carroll e akuzoi presidentin Trump se në vitin 1990 (vini re, në vitin 1990) e ka ngacmuar seksualisht në një dyqan në Nju Jork…!

Caroll e hodhi në gjyq për këtë, pasi Trump u bë president e jo më parë. Po çfarë është dhe më interesante, pasi Trump e hodhi poshtë akuzën dhe deklaroi se shkrimtarja po e përdorte për arsye të tjera këtë të pavërtetë, atij iu hap gjyq edhe për shpifje. E sot u dënua nga një prej gjykatave me një gjobë prej 88 milionë dollarësh, megjithëse vetë avokatja e Carroll kishte kërkuar 25 milionë…!

Edhe me naivi e kupton se e gjithë kjo histori gjyqesh lidhet me rikandidimin e Trump dhe me faktin që në gjithë sondazhet, Trump rezulton fitues jo vetëm brenda partisë së tij, po dhe kundërshtarëve demokratë.

A nuk është e njëjta gjë që po ndodh dhe me Berishën në Shqipëri?

Dy realitete që ngjajnë si dy pika uji me njëra-tjetrën e që duket se të dyja kanë duart e fëlliqura të Sorosit që ju lëvizin fijet.

Tanimë ka prova të shumta se Soros hedh miliona dollarë për të kontrolluar politikanë e funksionarë të drejtësisë, jo vetëm në vende të vogla të dala nga diktatura si vendi ynë, po dhe në vete simbolin e drejtësisë dhe demokracisë, Shtetet e Bashkuara.

Prandaj dhe presidenti Trump e mbyll me fjalët: “Kjo nuk është Amerika”.

Unë vete besoj se Trump do i kalojë (siç po i kalon) gjithë pengesat e do të jetë dhe një herë president i SHBA. Me shpresën se këtë herë do ta “fshijë” Amerikën e Sorosit e do t’ju rikthejë jo vetëm amerikaneve, po edhe ne, Amerikën që njohim e adhurojmë.

P.S. Edhe një herë për zvarranikët që nuk kane turp të bëjnë dhe deklarata publike për të treguar dobësinë e tyre të neveritshme, ndryshe nga ata; mes të fortit dhe të drejtës, unë kam zgjedhur dhe do të zgjedh gjithnjë të drejtën!

/a.d