26 vjeçarja Jasmina Milovanov nga Sydeny i Australisë braktisi dy fëmijët e saj të moshës pesë dhe shtatë vjeçare për të shkuar në Siri. Ajo i la fëmijët me dadon e tyre dhe iu bashkua Shtetit Islamik.
“Express” bën të ditur se gruaja e konvertuar në islam i kishte thënë dados së fëmijëve se po shkonte për të marrë makinën, kur kishte lënë shtëpinë dhe nuk ishte kthyer më kurrë, transmeton Gazeta Express.
Pastaj ajo i kishte shkruar një sms ish-burrit të saj turko-australian, derisa ai ishte në Turqi duke i treguar se ajo ishte në Siri, duke i kërkuar që të kujdesej për fëmijët e tyre.
Nëna e saj është e dëshpëruar dhe kërkon kthimin e saj.
“Ndoshta asaj i është shpërlarë truri, është e re dhe naive dhe ne vetëm mund të lutemi”, u tha mediave ajo.
