Edhe pse ngatërrohet shpesh me majdanozin, pastinaku është një perime krejt e ndryshme dhe ka një numër të vetive të dobishme.
Fjala është për një bimë dyvjeçare të pasur me vajra eterike, minerale, fibra dhe vitamina të tilla si B, C dhe E. Pastinaku është një nga burimet më të mira bimore të kaliumit dhe mbron shëndetin e zemrës, mushkërive, mëlçisë dhe veshkave.
Pastinaku është një diuretik i mirë dhe përshpejton largimin e ujit nga trupi. Ai ka efekt pozitiv në shtypjen e gjakut, enët e gjakut, dhimbjet e stomakut, ethe dhe problemet e tretjes.
Mund t’a përdorni të tërin – nga rrënjët deri në gjethe. Më së shumti përdoret rrënja, e cila shtohet në supa dhe gjellëra të ziera në të njëjtën mënyrë si karrota, ndërsa gjethet mund të përdoren ashtu si edhe gjethet e majdanozit.Mbajeni në frigorifer në një qese plastike nga e cila më parë keni hequr ajrin, përgatiti ”GazetaExpress”. (b.an)
