Ndonëse dikujt mund t’i duket vonë, në fakt lumturia nis të bëhet e qëndrueshme pasi kanë kaluar disa vite.
Një studim australian i Australian Institute of Family Studies, ka zbuluar se jeta rinis në moshën 50 vjeçare dhe jo në moshën 40 vjeçare siç mund të mendohej.
Sipas të dhënave të mbledhura, deri në moshën 15 vjeçare njerëzit janë kryesisht të lumtur, por niveli i kënaqësisë nis të ulet pas moshës 20 vjeçare dhe vijon të zbresë gradualisht deri në moshën 35 vjeçare.
Që nga kjo fazë nis të mbetet në nivele minimale deri në moshën 50 vjeçare, kur rinis përmirësimi i ndjeshëm i stabilitetit, duke arritur maksimumin.
Në studim janë përfshirë 27 mijë persona me moshë nga 15-90 vjeçare, ku në një hark kohor prej 12 vitesh janë mbajtur nën vëzhgim dhe janë pyetur për nivelin e kënaqësisë së tyre nga zero deri në 10, lidhur me jetën e tyre, shtëpinë, fëmijët, divorcin, pensionin e deri te vdekja e partnerit.
Lindja e një fëmije zaklonisht shkakton një rënie të ulët të lumturisë tek nënat gjatë viti i parë dhe më pas në vitin e dytë nis një ngritje e lehtë.
Në moshë adulte meshkujt nisin të kenë nivel më të lartë kënaqësie krahasuar me femrat, duke arritur pikun në moshën 50 vjeçare, prej nga më tej nis sërish rënia graduale.
Për fëmijët largimi nga shtëpia e rindërve nuk e rrit shumë kënaqësinë, por përmirëson nivelin e lumturisë tek prindërit, sidomos te nëna.
Drejtuesi i studimit David de Vaus, shpjegon se mosha më e vështirë është ajo nga mosha 35 deri në 50 vjeçare, kur rritet presioni i detyrimeve për të paguar, i karrierës dhe i fëmijëve për të rritur.
Por në moshën 50 vjeçare kënaqësia arrin kulmit, pasi gjërat janë vënë në vijë dhe janë konsoliduar.
