Mënyra më efektive për të rënë në peshe eshte praktikimi i ushtrimeve me levizje te intensitetit. Thene ndryshe, ajo qe ju duhet per tu dobesuar shpejt eshte qe te ecni apo te vraponi fillimisht avash dhe me pas me intensitet te larte… dhe me pas ta perserisni kete metode.
Kjo formë e ushtrimeve është dëshmuar shkencërisht për rezultatet pozitive të saj. Megjithatë, kjo formë e ushtrimeve nuk i përshtatet secilit individ pasi që varet shumë edhe nga niveli fillestar i përgatitjes së individëve. Një numër i madh i popullsisë joaktive nuk ndihen të sigurt dhe mjaftueshëm të motivuar për të performuar me një intensitet të tillë.
Për këtë arsye, një dekadë më parë, disa hulumtues nga Japonia filluan të zhvillojnë programe të ecjes pasi që ata kishin konsideruar se ecja është forma më e lehtë dhe më praktike e ushtrimeve sidomos për individët e moshës së mesme dhe të shtyer, gjithmonë duke pasur parasysh përcaktimin e intensitetit me të cilin mund të arrihen dobitë shëndetësore, shkruan express. Ata krijuan një regjim i cili përbëhej nga 3 minuta ecje e shpejtë me një ritëm, shkalla e vështirësisë përcaktohej me notën 6 ose 7 nga gjithsej 1-10 shkallët (nota 10 vështirësia maksimale). Secili interval prej 3 minutash i ecjes së shpejtë pasohej nga nja interval tjetër 3 minutësh i pushimit (ecjes së ngadaltë).
Rezultatet e këtij eskperimenti, të cilat u publikuan në vitin 2007 gjetën se individët të cilët kishin ecur për 30 minuta – 3 herë në javë përmirësun fitnesin aerob, forcën e gjymtyrëve të poshtme dhe tensionin e gjakut në mënyrë domethënëse.
Në studimin e tyre të fundit i cili u publikua në Dhjetor të vitit të kaluar në revistën Journal of Applied Physiology, doli se individët i qëndruan besnik një programi të tillë edhe më gjatë sesa koha e përcaktuar e eksperimentit 5 mujor. Dy vite më vonë, rreth 70% e subjekteve të përfshirë në hulumtim ende ishin duke e vazhduar programin e ecjes për të paktën 3 herë në javë dhe kishin raportuar përmirësime të dukshme në shëndet.
Kështu që, ata të cilët kanë konsideruar që ushtrimet me intensitet të lartë me intervale janë të pamundura të arrihen, lë të dalin për një shëtitje dhe t’i bëjnë intervalet e ecjes për 10 minuta në mëngjes, 10 në mesditë dhe 10 në mbrëmje ose t’i kryejnë të gjitha intervalet pa ndërprerje nëse një gjë e tillë është e mundur në aspektin kohor. E gjithë kjo do të ketë efekt të dukshëm në shëndetin tuaj. javanews/ a.k
