Ishte kthyer nga Zvicra në Kosovë, por ka qenë tragjik fati i një shqiptari nga Kosova.
Shqiptari me vendbanim në Kloten të Zvicrës, Avdyl K. ishte zhdukur pa kurrfarë gjurme në vendlindjen e tij në Kosovë, shkruan “20 Minuten”, transmeton Albinfo.ch.
“Ai në Kosovë udhëtoi të mërkurën dhe të shtunën është dashur të kthehet përsëri me avion”, ka deklaruar nipi i tij. Por, që nga mbrëmja e së premtes nuk kemi dëgjuar asgjë prej tij. Nuk e dimë se ku mund të jetë, vetëm se ka dashur të takojë ndokend”- ka thënë nipi i tij.
Për herë të fundit, babai i tre fëmijëve ka qenë duke drejtuar një makinë të llojit “Range Rover”.
Asnjëherë nuk kishte ndodhur që xhaxhai i tij, i cili me prejardhje ishte nga Sojeva, në afërsi të Ferizajt, nuk kishte lajmëruar për disa ditë.
“Për dy vite ai ka udhëtuar gjithmonë në Kosovë dhe ka qëndruar atje për disa ditë. Ai bën biznes me vetura”-ka thënë ndër të tjera nipi.
Agim Gashi, zëdhënës i policisë në Ferizaj, për portalin “Koha.net” ka konfirmuar se të shtunën është pranuar një raport për zhdukjen e një personi dhe hetimi ka filluar.
Të dielën pasdite, nipi më në fund mësoi se xhaxhai i tij është gjetur i vdekur në veturën e tij. Gjithashtu, në veturë ishte gjetur edhe një armë zjarri, ndërsa dyshohet se është vrarë.
“Më së keqi është për fëmijët e xhaxhait tim. Ata janë të moshës së mitur prej një, tre dhe pesëvjeçare. Familja e tij beson se K. është vrarë. Me vete kishte shumë para. Policia nuk na jep asnjë informatë”- ka përfunduar nipi.
