Një person është gjetur i mbytur ditën e sotme në lumin Osum. Ngjarja e rëndë ka ndodhur në qytetin e Beratit. Ai kishte shkuar në lumin Osum për të peshkuar, mirëpo fatkeqësisht humbi jetën.
Personi që është gjetur i mbytur edhte identifikuar si 45-vjeçari Ilir Myslym Mejdani. Shkaqet e ngjarjes ende nuk dihen, ndërkohë që trupi i pajetë i 45-vjeçarit është marrë nga ambulanca e morgut.
Në vendngjarje ka shkuar policia së bashku me grupin hetimor, për të bërë të mundur zbardhjen e ngjarjes.
Ndërsa një person ka humbur jetën këtë të shtunë në Velipojë. Nga informacionet e para, bëhet me dije se viktima është shtetasi Murat Hyseni, 76 vjeç.
Burimet thanë se ai ka qenë duke notuar në thellësi dhe dyshohet se ka pësuar infarkt brenda në ujë.
Kanë qenë pushues të tjerë të cilët e kanë nxjerrë në breg, ndërkohë që ka mbërritur dhe ambulanca e Qendrës Shëndetesore të Velipojes.
Ka qenë e pamundur për ta rikthyer në jetë, pasi sipas mjekëve, i moshuari kishte ndërruar jetë në det.
g.kosovari
