Shënohet vitkima e parë me origjinë shqiptare, pas tërmetit tragjik në Turqi. Mësohet se bëhet fjalë për një 62-vjeçare, të identifikuar si Nazmiye Doğrayan (Nazmie Doraja).
Nazmija është nga Prishtina dhe që prej vitit 1954 jetonte në Izmir të Turqisë. Gruaja është gjetur nën rrënoja, bashkë me të birin, të cilin e kishte mbuluar me trup për ta mbrojtur.
Lajmin e ka konfirmuar edhe ambasadori shqiptar në Turqi, Kastriot Robo, i cili deklaron për Abc News se viktima është një grua me origjinë nga Kosova.
Ndërkohë që djali i saj 28-vjeç është në gjendje të rëndë në spital, raporton për Abc News një student shqiptar në Izmir. Nënë e bir u zunë poshtë nga rrënojat e tërmetit të fuqishëm që goditi ditën e djeshme Izmirin duke lënë shumë viktima dhe të lënduar.
Në total numri i viktimave nga tërmeti në Turqi ka shkuar në 35 dhe 885 persona janë plagosur. Në Greqi, në ishullin Samos që u prek gjithashtu nga tërmeti, vdiqën dy të rinj, adoleshentë, teksa ktheheshin nga shkolla.
g.kosovari
