Një 30-vjeçar shqiptar është arrestuar nga policia italiane, pasi është kapur me 40 kilogramë kokainë të pastër, e cila sipas autoriteteve italiane ka një vlerë tregu mbi 10 milionë euro.
Shqiptari e kishte fshehur drogën në makinë dhe në shtëpi, ndërsa u kap gjatë një kontrolli rutine, që më pas rezultoi në kapje të madhe droge.
Gjithashtu në banesën e shqiptarit u gjetën para cash, të ardhura të konsideruara nga shitjet, si dhe mjete që përdoren për paketimin e drogës.
Mediet italiane raportojnë se një pjesë e sasisë së kokainës u gjet në timonin e makinës.
Shqiptari eshë arrestuar në Ancona të Italisë. Ndërsa pas hetimeve rezultoi se 30-vjeçari shqiptar ishte në kërkim nga Guardia di Finanza e Bresciaa, e cila prej disa kohësh po e mbante në mbikëqyrje, për shkak se i riu kishte marrë një apartament në Ankona në via Primo Maggio dhe në Baraccola, të cilin e përdorte si laborator për përpunimin dhe ruajtjen e drogës.
/a.r
