Një 37-vjeçar është arrestuar nga policia e Durrësit pasi dyshohet për një sërë vjedhjesh në disa banesa në qytet.
Xh.K, u arrestua në kuadër të operacionit ‘Mesnata’ pasi u kap duke vjedhur në një banesë në Durrës.
Po ashtu dyshohet se 37-vjeçari është autor i disa vjedhjeve, kryesisht pajisje elektronike.
Konkretrisht më datë 14.10.2022, ka vjedhur disa vegla pune në një servis; më datë 24.10.2022, ka tentuar të vjedhë në banesën e një shtetasi tjetër, si dhe ka vjedhur disa materiale elektrike, në një servis; më datë 25.10.2022, ka vjedhur pajisje elektrike në kuzhinën e një shkolle jopublike.
Vijon puna, nën drejtimin e Prokurorisë pranë Gjykatës së Rrethit Gjyqësor Durrës, për zbardhjen dhe dokumentimin e rasteve të tjera të vjedhjeve që mund të jenë kryer nga ky shtetas.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./m.j
