145 kg kanabis dhe armë janë sekuestruar gjatë një operacioni në Krujë të koduar “Noja”. Nga operacioni i zhvilluar nga policia e Durrësit, Krujës dhe në bashkëpunim me strukturat e SHÇBA-së u arrestuar kryeplaku i fshatit dhe një tjetër person u shpall në kërkim.
Kryeplaku i arrestuar është H. M., 66 vjeç, banues në fshatin Nojë dhe akuzohet për veprat penale “Shpërdorim detyre” dhe “Prodhim dhe shitje e narkotikëve”.
Gjithashtu u bë shpallja në kërkim e B. S.(X)., 34 vjeç, banues në Nojë për veprat penale “Prodhim dhe shitja e narkotikëve” dhe “Armëmbajtje pa leje”.
Gjatë kontrollit të ushtruar në banesat e tyre u gjet dhe sekuestrua 145 kg kanabis gati për shitje, si dhe municion luftarak.
Policia njofton se vijon punën për dokumentimin e plotë të kësaj veprimtarie kriminale dhe kapjen e shtetasit të shpallur në kërkim. Materialet i kaluan Prokurorisë së Rrethit Gjyqësor Krujë, për veprime të mëtejshme.
g.kosovari
