Ish-kryeministri Sali Berisha në vazhdim të fushatës së tij për garën e kreut të PD u ndal në Lezhë. Në fjalën e tij, Berisha deklaroi se ndonëse në vitet 90 rrëzuan komunizmin, që nga shtatori i 2021 dhe deri tani i kanë rikthyer vendit opozitën e vërtetë.
Sipas Berishës, të shumta ishin përpjekjet për ta censuruar lëvizjen që ai nisi, por të gjithë dështuan.
“Së pari dëshiroj me mirënjohjen më të thellë, nderim më të madh t’ju përshëndes ju dhe banorët e këtij qarku që ju si misionarë të vërtetë dhatë gjatë këtij harku kohor disa mujor në rithemelimin e Partisë Demokratike, në të vërtetë në rithemelimin e pluralizmit shqiptar.
Shpreh këtu bindjen time këtu se ju jeni në një mision fisnik, ndoshta edhe më të madhin e jetës tuaj.
Në vitin 90 ne e përmbysëm komunizmin, ai ishte një mision historik, por ishte edhe një destinacion. Kurse në gjysmën e dytë të 2021 dhe deri sot ne i rikthyem vendit në një rrugë të vështirë, falë përkushtimit tuaj, i rikthyem vendit opozitën e vërtetë dhe pluralizmin. Rikthyem ashtu si duhet të jetë, i rikthyem Partinë Demokratike. Në këtë rrugë ne kishim vështirësi të jashtëzakonshme dhe forca e vetme që kishim ishte forca e idealeve tona
Ne kishim kundër një qeveri që nuk ka ligj as moral, sepse në një vend demokratik nuk mendon kurrë të marrë peng opozitën. Ne kishim kundër një pseudopozitë, që shërbehej nga qeveria. Fatkeqësisht ne kishim kundër dhe ndofta mafien më të rrezikshme ndërkombëtare, atë të Xhorxh Sorosit.
Në këtë sistem që mbeti pa opozitë të vërtetë në një mënyrë ose tjetër, jo vetëm institucionet shtetërore por edhe nga ato private silleshin me ju sikur të ishin ndërmarrje shtetërore. Ju kërkonin që të mos ndiqnit këtë lëvizje, por këto përpjekje dështuan. Dështoi censura që u vendos ndaj veprimtarisë sonë, dështoi propaganda për të dekurajuar përpjekjen tonë.
Dështuan sulmet e egra të qeverisë ndaj kësaj lëvizje, dështuan deklaratat e përsëritura edhe të guvernatores, e cila jashtë çdo lloj parimi marrëveshje ndërkombëtare dhe ndërkombëtare, në cdo hap do të bënte një deklaratë për të dekurajuar ju. Në të gjitha këto kushte ne arritëm në një beteje etike dhe jetike kundër autokracisë e cila kërkonte të mos kishte opozitë Shqipëria, kërkonte ta kishte si freskore”, tha Berisha./m.j