Prishja e Kishës së Dhërmiut, ka sjellë një lumë akuzash ndaj kryeministrit të Shqipërisë Edi Rama. Këtë radhë është një klerik i lartë i Kishës greke, i cili me një gjuhë të ashpër e ka cilësuar kryeministrin Rama si të pabesë dhe të pafytyrë.
Siç raporton A1 Report, deklarata ka ardhur nga Mitropoliti i Drinopoleos, Pogonit e Konicës. Mitropoliti Andreas që ushtron funksionin e tij në krahinën greke në kufi me Shqipërinë e ka krahasuar Edi Ramën me Enver Hoxhën duke e barazuar sjelljen e tij ndaj kishës ortodokse me atë të diktatorit komunist.
