Priftërinjtë ortodoksë ukrainas janë mbledhur në Kiev për një këshill historik që do të krijojë një kishë të re kombëtare, një lëvizje aspak e pëlqyer nga Rusia. Kjo vjen pasi Patriarkata Ekumenikale e Kostandinopojës, liderja shpirtërore e ortodoksisë botërore, njohu pavarësinë e Kishës Ukrainase nga Moska. Në shenjë proteste, Kisha Ortodokse Ruse shkëputi marrëdhëniet me Konstandinopojën. Pavarësisht se Rusia i ka ndaluar priftërinjtë nga degët e kishës besnike të Moskës të marrin pjesë në event, dy peshkopë të tyre raportohet të kenë mbërritur në këshillin në Kiev.
Presidenti Petro Poroshenko po ashtu ishte i ftuar nderi: “Ju lutem të qëndroni dhe të luteni që Kisha Ukrainase të krijohet sot”.
Takimi mbahet në katedralen e lashtë të Shën Sofisë, një nga monumentet më të famshme të Kievit. Klerikët ukrainas nga denominime të ndryshme ortodokse do të zgjedhin liderin e kishës së re.
Para takimit, patriarku Kirill, shefi i Kishës Ortodokse serbe, i kërkoi liderëve fetarë dhe botërorë të mbrojnë besimtarët dhe klerikët në Ukrainë nga ajo që ai e quajti persekutim.
Kisha Ortodokse ukrainase ka qenë nën patriarkatën e Moskës prej shekujsh. Por, tensionet brenda kishës u shtuan pasi Ukraina u bë e pavarur në 1991. Shkëputja u nxit akoma më shumë pas vitit 2014, kur Rusia aneksoi Krimenë dhe separatistët e mbështetur nga Rusia ndezën tensionet në lindje./a.meta
