Kisha e “Shën Thanasit” në Dhërmi, është kthyer tashmë në një çështje diplomatike mes Athinës zyrtare dhe Tiranës. Prishja e saj solli reagimin e Ministrisë së Jashtme greke dhe menjëherë edhe të asaj shqiptare. Përmes zëdhënësit të MPJ Glevin Dervishi, Tirana zyrtare i bënte thirrje Greqisë që të mos ndërhynte në punët e brendshme.
Deklarata e djeshme nga zëdhënësi i ministrisë së jashtme shqiptare lidhur me angazhimin e Shqipërisë për të respektuar dhe mbrojtur plotësisht të drejtat fetare dhe të pronës së minoriteteve në shqipëri është inkurajuese” u shpreh dje Tirana zytare
Por siç duket Ministria e Jashtme greke nuk tërhiqet. Në një reagim tjetër të saj, MPJ greke thekson se siç ka ndodhur deri tani, Greqia do të vijojë të jetë përkrah fqinjit të saj në rrugën drejt Europës. Por kjo me kushtin që Shqipëria të përmbushë të gjitha detyrimet e saj që parashikon ligji ndërkombëtar dhe kriteret e BE-së.
“Ndaj dhe Ministria e Jashtme po pret përgjigje dhe marrjen e masave të menjëhershme nga qeveria shqiptare lidhur me atë që ka ndodhur në Kishën e Shën Thanasit në Dhërmi” thuhet në deklaratën e ministrisë së jashtme greke.
