“Kisha borxhe bixhozi, të cilat nëse nuk i ktheja kërcënohesha me jetë nga borxhlijtë ndaj vendosa të grabis bankën”. Kjo ka qenë dëshmia para trupit gjykues e 31-vjeçarit Alban Duka, i cili së bashku me shokun e tij 41-vjeçarin me iniciale G.K i arrestuar gjithashtu nga policia grabitën rreth 35 mijë euro nga një bankë e nivelit të dytë në Durrës, mesditën e së mërkurës.
Alban Duka, i cili gjatë grabitjes ishte maskuar si një moshuar me nje maskë që dukej qartë së ishte punuar nga një profesionit orët e para të mëngjesit të sotëm doli para trupit gjykues, ku u njoh me masën e sigurisë “arrest me burg” që gjykatësi Fejzo Hysi kishte rezervuar për të.
E njëjta masë sigurie u kërkua dhe nga prokurori i çështjes Bledar Bejko. Duka ka rrëfyer përpara trupit gjykues edhe motivet që e shtynë të grabiste.
