Zyrtarët kinezë kanë bërë të ditur se disa vaksina për koronavirusin e ri pritet të fillojnë së shpejti provat klinike në Kinë.
Vaksinat tani janë po testohen te kafshët.
Kërkimet paraprake pritet të përfundojnë brenda muajit të ardhshëm, kur studiuesit planifikojnë të aplikojnë për prova klinike.
Të martën në mbrëmje, kryetari i shtetit i Kinës Xi Jinping zhvilloi një bisedë telefonike me kryeministrin spanjoll Pedro Sanchez.
Në bisedë, Xi vuri në dukje se ditët e fundit, epidemia e koronavirusit të ri është në përhapje të shpejtë në Spanjë.
“Në emër të qeverisë dhe popullit kinez, i shpreh ngushëllime të sinqerta qeverisë dhe popullit spanjoll,” tha Xi.
Ai theksoi që, me përpjekjet e mëdha nga i gjithë vendi, Kina ka pasur arritje pozitive në parandalimin e kontrollin e epidemisë dhe ka dalë nga faza më e vështirë.
Tani, kjo epidemi është përhapur në shumë vende të botës, Kina është e gatshme të zhvillojë bashkëpunim ndërkombëtar dhe të ofrojë ndihmë brenda mundësive.
“Shpresoj që komuniteti ndërkombëtar, duke qëndruar i bashkuar, ta shndërrojë krizën në mundësi dhe ta përballojë ndikimin e epidemisë me veprime praktike dhe me bashkëpunim të hapur, për të ruajtur shëndetin publik global”, u shpreh kreu i shtetit i Kinës, shkruam Radio e Jashtme e Kinës.
Spanja deri tani shënon 11,826 raste të prekura në total, 533 vdekje dhe 1,028 të shëruar.
