Gjatë vizitës së tij tre ditore në Kinë, Kryeministri Rama ka patur një takim me homologun e tij Li Keqiang, teksa gjatë diskutimeve fokusi ka qenë bashkëpunimi ekonomik.
Kryeministri kinez Keqiang është angazhuar që të mbështesë Shqipërinë duke nxitur kompanitë kineze për të investuar në zonën ekonomike të Spitallës, ku parashikohet të krijohen rreth 30 mijë vende pune.
Një tjetër bisedë ishte edhe finalizimi i negociatave mes palëve për të rinisur punimet në rrugën e Arbrit.
Bujqësia është një tjetër sektor që ka qënë në fokus të bisedimeve mes dy kryeministrave. Kryeministri Keqiang informoi Ramën mbi një grant të qeverisë kineze për mekanikën bujqësore, si dhe gatishmërinë për të mbështetur infrastrukturën e prodhimit bujqësor.
Falë marrëveshjes së qeverisë shqiptare me kompaninë kineze Pacific Construction, në Shqipëri po përparojnë katër projekte të rëndësishme në infrastrukturë.
