Të hënën paradite, Presidenti Xi Jinping zhvilloi një bidesë telefonike me Presidentin e Brazilit Lula Da Silva, me kërkesë të këtij të fundit.
Xi Jinping theksoi se vitet e fundit, ndërtimi i një komuniteti Kinë-Brazil me një të ardhme të përbashkët, si dhe përafrimi i strategjive të zhvillimit të të dy vendeve kanë bërë përparime pozitive, duke luajtur një rol të rëndësishëm në promovimin e zhvillimit të të dy vendeve dhe mirëqenien e popujve të tyre, si dhe duke injektuar stabilitet të vlefshëm në situatën e trazuar ndërkombëtare.
Xi Jinping theksoi se të dy palët duhet të punojnë së bashku për të promovuar zhvillimin me cilësi të lartë të bashkëpunimit BRICS, për të kapur me saktësi drejtimin e bashkëpunimit, për të ruajtur vrullin e unitetit, për të krijuar më shumë arritje dhe për të shkruar një kapitull të ri uniteti dhe vetëbesimi në Jugun Global. Kina vlerëson shumë statusin ndërkombëtar të Brazilit dhe ndikimin e rëndësishëm, mbështet Brazilin në mbrojtjen e sovranitetit dhe pavarësisë së tij, në kundërshtimin e ndërhyrjes së jashtme dhe në kontributin e tij për ruajtjen e paqes dhe stabilitetit rajonal dhe global.
Lula deklaroi se bashkëpunimi në fusha të ndryshme midis Brazilit dhe Kinës është zhvilluar me shpejtësi dhe tregtia dypalëshe ka arritur një nivel të ri. Aktivitetet e “Vitit Kulturor Brazil-Kinë” kanë forcuar më tej themelet e opinionit publik për miqësinë midis dy vendeve. Brazili pret forcimin e bashkëpunimit me Kinën në fusha si inteligjenca artificiale, energjia dhe mineralet. Vendi mirëpret më shumë kompani kineze që të investojnë në Brazil, duke e bërë bashkëpunimin dypalësh më të larmishëm dhe të frytshëm. Brazili përgëzon Kinën për organizimin me sukses të Konferencës Botërore të Inteligjencës Artificiale 2026 dhe vlerëson lart konceptin e Presidentit Xi Jinping për bashkëpunimin e hapur ndërkombëtar dhe gjithëpërfshirës, si dhe qeverisjen globale në inteligjencën artificiale.
