Një shpërthim i fuqishëm në një fabrikë fishekzjarresh në provincën jugore kineze, Hunan, ka shkaktuar vdekjen e nëntë personave dhe plagosjen e 26 të tjerëve.
Shpërthimi ndodhi në një fabrikë në pronësi të kompanisë Hunan Shanzhou Fireëorks Ltd., e vendosur në një zonë malore rreth 60 km në veri të qytetit Changde.
Ky incident vjen vetëm disa javë pas një shpërthimi në një fabrikë kimike në pjesën verilindore të Kinës, ku humbën jetën të paktën 5 persona, duke nxjerrë në pah rrezikun e magazinimit të kimikateve të rrezikshme dhe të ndezshme në prodhuesin kryesor të botës, pavarësisht përpjekjeve të qeverisë për të luftuar praktikat e pasigurta.
Në vitin 2015, dy shpërthime masive në depo në qytetin port Tianjin shkaktuan më shumë se 170 viktima dhe rreth 700 të plagosur, duke detyruar qeverinë të përmirësonte ligjet për magazinimin e kimikateve.
