Vitet e fundit, Kina ka marrë iniciativën për të nxitur hapjen e industrisë financiare në mënyrë të rregullt. Ka vazhduar të zgjerojë gjerësinë dhe thellësinë e hapjes financiare. Një sërë masash hapjeje kanë ndihmuar në përshpejtimin e formimit të një modeli të ri të hapjes gjithëpërfshirëse në fusha më të gjera dhe nivele më të thella.
Lidhur me tregun e bonove, një sërë marrëveshjesh institucionale kanë ofruar kanale të larmishme investimi dhe financimi për kapitalin global.
Zv/drejtorja e menaxhimit të kapitaleve pranë Administratës Shtetërore të Këmbimit Valutor të Kinës, Wang Lei prezanton që vitet e fundit, në mënyrë të qëndrueshme dhe me hapa të vogla përpara, Kina ka përmirësuar pandërprerë sistemin e investitorëve të huaj të kualifikuar dhe investitorëve të huaj të kualifikuar për RMB. Tani, përmasat e bonove të Kinës renditen në vendin e dytë të botës dhe gjerësia dhe thellësia e tregut financiar është në rritje të pandërprerë.
Të dhënat tregojnë që deri në fund të tetorit 2024, vëllimi i bonove ndërbankare të mbajtura nga institucioneve të huaja shënoi 4.25 trilionë juanë dhe 1153 institucione të huaja kanë hyrë në tregun kinez. 590 ndër to kanë hyrë nëpërmjet kanaleve direkte dhe 829 janë regjistruar nëpërmjet kanaleve, si “Bond Connect” dhe 266 kanë hyrë në këtë treg me këto të gjitha kanale të sipërpërmendura.
/a.r
