Sulmet terroriste në Bruksel, të cilat lanë të vdekur mbi 30 persona dhe u lënduan rëndë edhe mbi 100 të tjerë, kanë pushtuar të gjitha mediat botërore. Ndër mediat që kanë raportuar për këtë ngjarje ka qenë edhe portali “ChinaTopix”, një portal me bazë në Neë York, por që merret kryesisht me ngjarjet në Republikën e Kinës.
Ajo që bie në sy është se ky portal, ndonëse nën ndikimin e Kinës, e cila dihet se nuk e njeh shtetësinë e Kosovës, i është referuar vendit tonë si “Republikë e Kosovës”.
“Liderë botërorë, nga Gjeorgjia, Lituania, Letonia dhe Republika e Kosovës kanë shprehur ngushëllime”, thuhet në një prej paragrafëve të artikullit në këtë portal.
Chinatopix është pjesë e kompanisë “YIBADA Group” me bazë në Neë York, e cila është një media në rritje që mëton t’i shërbejë komunitetit të përgjithshëm kinez në SHBA por edhe në mbarë botën.
