Stërvitjet ushtarake të Kinës rreth Tajvanit janë zhvilluar për të testuar aftësinë e saj për të “marrë pushtetin” mbi ishullin, tha Ushtria Çlirimtare Popullore ndërsa forcat e saj filluan ditën e dytë të stërvitjeve në shkallë të gjerë që rrethojnë fqinjin e saj demokratik.
Stërvitjet janë më të mëdhatë në më shumë se një vit dhe vijnë vetëm disa ditë pasi në Tajvaniu betua presidenti i ri , Lai Ching.
Pekini e ka denoncuar Lain si një “separatist të rrezikshëm” dhe e ka dënuar fjalimin e tij të hënën, gjatë së cilës ai i bëri thirrje Kinës që të ndalojë frikësimin e Tajvanit.
Partia Komuniste në pushtet e Kinës e sheh Tajvanin si pjesë të territorit të saj, pavarësisht se kurrë nuk e ka kontrolluar atë, dhe është zotuar se do ta marrë ishullin me forcë nëse është e nevojshme.
Shumica dërrmuese e tajvanezëve nuk kanë dëshirë të jetojnë nën sundimin kinez. Por Xi, udhëheqësi më autoritar i Kinës në një brez, e ka bërë të qartë se “ribashkimi i pashmangshëm” i ishullit me kontinentin nuk mund të shtyhet pafundësisht.
Stërvitjet dy-ditore, që përfshijnë operacione të përbashkëta të ushtrisë, marinës, forcave ajrore dhe raketave të Kinës, po zhvillohen në ngushticën e Tajvanit, një trup i ngushtë uji që ndan ishullin nga Kina kontinentale si dhe në veri, jug dhe lindje të Tajvanit./ CNN
