Disa tërmete të fuqishme goditën Venezuelën të mërkurën, duke vrarë të paktën 235 persona dhe duke bllokuar qindra të tjerë nën rrënoja.
Vende të ndryshme të botës kanë shprehur keqardhjen e thellë , por edhe solidaritetin e tyre për t’i ardhur në ndihmë popullit venezuelian në përballimin e kësaj fatkeqësie të rëndë.
Qeveria kineze dhe Shoqata e Kryqit të Kuq të Kinës do të ofrojnë ndihmë humanitare emergjente për Venezuelën, tha të premten zëdhënësi i ministrisë së jashtme kineze Guo Jiakun, në një konferencë të rregullt për shtyp.
Presidenti Xi Jinping i dërgoi të premten një mesazh ngushëllimi Presidentes në detyrë të Venezuelës Delcy Eloína Rodríguez Gómez, për tërmetin e fuqishëm që goditi vendin
Në emër të qeverisë dhe popullit kinez, ai shprehu ngushëllimet më të thella për familjet e viktimave dhe të të plagosurve. Kina do t’i ofrojë ndihmë Venezuelës në lehtësimin e fatkeqësisë dhe rindërtimin.
