Kina sistematikisht ka pamundësuar operacionet e spiunazhit të CIA’s në vend duke filluar nga viti 2010. Sipas NY Times, këto vite janë ndër më të rëndat për spiunazhin e Qeverisë amerikane në Kinë, pasi shteti komunist në 7 vitet e fundit ka vrarë dhe ka burgosur një numër të madh agjentësh amerikanë, duke pamundësuar kështu mbledhjen e informatave nga CIA, transmeton gazetametro.net
Brenda CIA’s po zhvillohet një debat i madh rreth shkaqeve që kanë çuar në këtë gjendje të spiunazhit amerikan në Kinë. Por, të gjithë pajtohen për dëmet që Kina po i shkakton spiunëve amerikanë atje. Zyrtarët amerikanë thonë se Kina ka vrarë ose ka burgosur 18 deri në 20 agjentë të CIA’s që po vepronin në Kinë, duke shkatërruar kështu një rrjet që kishte marrë vite deri sa ishte krijuar.
SHBA’ja e konsideron prioritar misionin e saj të spiunimit në Kinë, por aparati shtetëror agresiv po e bën gjithnjë të vështirë nxjerrjen e lehtë të informatave nga shteti që e kërcënon primatin amerikan në ekonomi.
ma.me
