Disa qytete të Kinës kanë vendosur të instalojnë kamera sigurie jashtë shtëpive të njerëzve me qëllimin për të parë se sa po e zbatojnë karantinën.
Një djalë, i identifikuar si Ia Lahiffe u kthye nga Pekini dhe vuri re një kamera të instaluar jashtë derës së apartamentit. Pasi u kthyen nga Kina, 34-vjeçari irlandez dhe familja e tij qëndruan dy javë në izolim, një masë e detyrueshme e zbatuar nga qeveria e Pekinit për të ndaluar përhapjen e koronavirusit.
Ai tha se hapi derën ndërsa kamera po instalohej, pa paralajmëruar.
“Të kesh një aparat fotografik jashtë derës së shtëpisë është një ndërhyrje e jashtëzakonshme e intimitetit. Dhe nuk e di sa është e ligjshme”, tha Ian Lahiffe.
Pavarësisht se nuk ka asnjë njoftim zyrtar për instalimin e kamerave jashtë shtëpive të njerëzve që ndodhen në karantinë, kjo po ndodh në disa qytete të Kinës që prej muajit shkurt, thanë tre persona për CNN.
Kina nuk ka ende një ligj për përdorimin e kamerave, por pajisjet janë pjesë e jetës publike pasi kontrollojnë njerëzit në rrugë, në qendra tregtare, në restorante, autobuse apo shkollë.
g.kosovari
