Kina ka bërë përparime në prodhimin e anijes kozmike me astronaut të brezit të ri, të raketës bartëse me astronautë të brezit të ri, të zbritësit hënor dhe kostumit kozmik të uljes në Hënë, duke iu afruar objektivit të uljes në Hënë, sipas Agjencisë së Fluturimeve Kozmike me Astronautë të Kinës të hënën.
Kina ka përfunduar studimin e teknologjisë kryesore dhe vlerësimin e projektit të eksplorimit të Hënës me astronautë, duke formuar një plan zbatimi të zbritjes në Hënë me “karakteristika kineze,” tha në një konferencë shtypi përpara nisjes së misionit hapësinor me ekuipazh “Shenzhou-15” Ji Qiming, një ndihmësdrejtor i Agjencisë.
Foto nga një ekspozitë mbi rezultatet e hulumtimeve të Kinës në Hënë e zhvilluar në Planetariumin e Shangait, në tetor 2022/ foto nga VCG
“Hapat e Kinës në eksplorimin e hapësirës nuk do të ndalen vetëm në orbitën e ulët të Tokës, dhe ne sigurisht do të fluturojmë më tej,” iu përgjigj Ji pyetjes se kur do të arrijë Kina zbritjen në Hënë.
“Kina është e gatshme të zbatojë projektin e zbritjes në Hënë. Unë besoj se ëndrra e zbritjes në Hënë do të realizohet në të ardhmen e afërt,” shtoi ai.
Pamaja e Tokës e xhiruar nga sonda kineze e hulumtimeve në Hënë/ foto nga VCG
