Presidentja sllovene Natasha Pirc Musar gjatë takimit me ministrin e jashtëm kinez Wang Yi në Lubjanë , vlerësoi marëdhëniet midis dy vendeve cilësoi dhe nënvizoi se që nga vendosja e lidhjeve diplomatike midis Sllovenisë dhe Kinës më shumë se 30 vjet më parë, marrëdhëniet ndërmjet dy vendeve kanë arritur rezultate të rëndësishme.
Ajo vuri në dukje se diplomacia sllovene kërkon partnerë në vend që të krijojë kundërvënie, duke shtuar që Sllovenia është e gatshme të forcojë bashkëpunimin me Kinën, duke mbrojtur sistemin ndërkombëtar me Kombet e Bashkuara (OKB) në qendër, të mbështesë hapjen e tregtinë e lirë dhe të trajtojë së bashku sfidat globale si ndryshimi i klimës.
Nga ana e tij, Wang tha që Sllovenia praktikon parimin “vend i vogël, diplomaci e madhe” me një vizion global dhe e cilëson Kinën si partnere e jo rivale, gjë që u shërben interesave të të gjitha palëve.
Ai shtoi se marrëdhëniet Kinë-Slloveni i tejkalojnë ndryshimet në sistemet shoqërore dhe shërbejnë si një model i respektit të ndërsjellë dhe bashkëpunimit me përfitime të përbashkëta midis vendeve me kushte dhe madhësi të ndryshme.
Ai gjithashtu shprehu gatishmërinë e Kinës për të rritur bashkëpunimin shumëpalësh me Slloveninë, për të respektuar normat themelore që rregullojnë marrëdhëniet ndërkombëtare, për të promovuar zgjidhjen politike të çështjeve të nxehta dhe për të formuar një sistem të qeverisjes globale më të drejtë dhe më të barabartë.
Kryediplomati kinez i bëri thirrje Sllovenisë të vazhdojë të luajë një rol konstruktiv në promovimin e marrëdhënieve Kinë-Evropë dhe të bashkëpunimit ndërmjet Kinës dhe vendeve të Evropës Qendrore e Lindore.
