Kina dhe Japonia parashikojnë të krijojnë një linjë komunikimi ushtarak për të ulur tensionet rreth ishujve të pretenduar në Detin e Kinës Lindore, deklaroi Pekini, pas një takimi mes krerëve të diplomacisë së dy vendeve.
Ministri japonez i Punëve të Jashtme, Taro Kono takoi në Pekin homologun e tij kinez, Ëang Yi për të përmirësuar marrëdhëniet mes dy vendeve, kryesisht të përkeqësuara për shkak të mosmarrëveshjeve për çështje territoriale detare.
Kjo është vizita e parë e një ministri japonez të Punëve të Jashtme që prej dy vitesh.
Dy vendet janë angazhuar të nënshkruajnë një marrëveshje sa më shpejtë të jetë e mundur për të vendosur një linjë të komunikimit ushtarak për të parandaluar incidentet në Detin e Kinës Lindore, njoftoi Ministria kineze e Punëve të Jashtme në një komunikatë. (ATSH)
