Kina është e gatshme të vazhdojë komunikimin e thelluar me Indinë në mënyrë pozitive dhe konstruktive mbi çështjet kufitare. Gjithashtu të ruajë së bashku paqen dhe qetësinë në këto zona, tha të hënën zëdhënësja e Ministrisë së Jashtme të Kinës ,Mao Ning .
Ning i bëri komentet gjatë një konference shtypi në përgjigje të një pyetjeje lidhur me vizitën e Ministrit të Jashtëm të Kinës Wang Yi në Indi dhe mbajtjen e Raundit të 24-të të Bisedimeve midis Përfaqësuesve Specialë të dy vendeve mbi Çështjen Kufitare.
Mao tha se vendi i saj është i gatshëm ta shfrytëzojë vizitën e Wang si një mundësi për të punuar me Indinë, për të nxitur zhvillimin e vazhdueshëm të shëndoshë dhe të qëndrueshëm të marrëdhënieve bilaterale.
Që nga fillimi i këtij viti, të dyja palët kanë ruajtur komunikimin nëpërmjet kanaleve diplomatike dhe kanë nxitur në mënyrë aktive zbatimin e arritjeve të përmendura më parë, tha Mao.
