Kina dhe Shtetet e Bashkuara dakordësuan të komunikojnë mbi rritjen e ekuilibruar ekonomike të dy vendeve dhe botës, në kuadrin e grupit ekonomik të punës Kinë-SHBA dhe do të vazhdojnë të zhvillojnë shkëmbime, për çështje që përfshijnë stabilitetin financiar, financat e qëndrueshme dhe kundër pastrimit të parave, në kuadrin e grupit financiar të punës Kinë-SHBA, sipas Ministrisë së Financave të Kinës të hënën.
Takimi i katërt i dy grupeve të punës është planifikuar të mbahet veçmas, gjatë takimeve pranverore të Bankës Botërore dhe Fondit Monetar Ndërkombëtar (FMN) në Uashington, në mes të prillit.
Sekretarja amerikane e Thesarit Janet Yellen, përsëriti premtimin për ruajtjen e marrëdhënieve të forta ekonomike me Kinën, duke deklaruar qartazi se ShBA nuk synon shkëputet nga ajo.
Deklarata u bë në konferencën për shtyp, të hënën në Pekin, gjatë vizitës së dytë të Yellen në Kinë brenda vitit.
Pas shprehjes së Yellen, Ministria e Financave e Kinës përshëndeti qëndrimin e ShBA-së kundër shkëputjes, dhe bëri thirrje për dhënien fund të sanksioneve dhe kufizimeve kundrejt firmave kineze, duke theksuar interesin e ndërsjellë në mbajtjen e kanaleve të hapura ekonomike.
Të dyja vendet përsëritën angazhimet e tyre të nëntorit të vjetshëm, për forcimin e shkëmbimeve, shmangien e shkëputjes dhe përballimin e sfidave të përbashkëta.
U arritën marrëveshje të reja, për të nxitur rritjen e ekuilibruar ekonomike, siç njoftoi Ministria. Fushat kryesore të bashkëpunimit përfshijnë stabilitetin financiar, financat e qëndrueshme dhe luftën kundër pastrimit të parave, në kornizën e grupeve të punës financiare.
Një arritje e dukshme nga bisedimet është nisja e Bashkëpunimit dhe Shkëmbimeve midis Departamentit Amerikan të Thesarit dhe Bankës Popullore të Kinës, në Luftën kundër Pastrimit të Parave, një masë e re që synon goditjen e aktiviteteve të paligjshme financiare.
