Origjina e koronavirusit mbetet ende një mister për të gjithë. Dy fuqitë e mëdha botërore, Shtetet e Bashkuara dhe Kina, vazhdimisht akuzojnë njëra-tjetrën.
Pas pretendimeve të SHBA-së së Kina është vendi ku lindi ky virus, shteti aziatik ka deklaruar së fundmi se disa amerikanë ishin të prekur përpara se pandemia të shpërthente në Wuhan.
CNN, i bën jehonë një shkrimi prej 30 faqesh, të postuar të shtunën në faqen e internetit të Ministrisë së Jashtme kineze ku përsëriten dhe zgjerohen më tej përgënjeshtrimet e bëra gjatë konferencave për shtyp.
Artikulli citon njoftime të mediave që thonë se disa amerikanë ishin infektuar nga virusi përpara se të konfirmohej rasti i parë në Ëuhan, edhe pse nuk ka prova që të tregojnë se kjo është e vërtetë.
Në përpjekje për të hedhur poshtë aludimet amerikane se koronavirusi ka qenë krijuar me paramendim ose ka dalë në një farë mënyre nga Instituti i Virologjisë i Wuhanit, artikulli thotë se të gjitha provat tregojnë që virusi nuk është i krijuar nga njeriu dhe se instituti nuk është i aftë të sintetizojë një virus të ri.
/a.r
