Kim Kardashian dhe Lewis Hamilton u fotografuan gjatë një udhëtimi me varkë në Liqenin e Komos, në Itali, në një tjetër dalje të përbashkët të tyre.
Gjatë shëtitjes në liqenin piktoresk, personazhi televiziv dhe piloti britanik i Formula 1 biseduan, ndërsa duket se nuk u shqetësuan nga prania e fotografëve.
Kardashian, 45 vjeçe, u shfaq me një pamje elegante, e veshur me një fustan të gjatë dhe të ngushtë në ngjyrë bezhë. Ajo e kishte kompletuar veshjen me syze dielli të zeza dhe një gjerdan të veçantë.
Hamilton zgjodhi një bluzë të bardhë, të shoqëruar me një xhaketë sportive të zezë me vija të kuqe, ndërsa në kokë mbante një kapelë të kuqe.
Dalja në Liqenin e Komos pason disa takime dhe pushime të tjera të përbashkëta të Kardashian dhe Hamilton, duke rikthyer vëmendjen e mediave rozë te dyshja.
