Kim Jong-Un ka marrë një vendim drastik, duke urdhëruar ushtrinë që të heqin modelet e flokëve dhe muzikën që atij nuk i pëlqen.
Lideri i Koresë së Veriut e dha vendimin e prerë, duke iu referuar më shumë adoleshentëve që eksplorojnë me modelet e flokëve, të cilët duhet të jenë njësoj si e gjithë ushtria, shkruan Mirror.
Njerëzit në Korenë e Veriut janë të detyruar që të zgjedhin mes një liste të aprovuar nga qeveria për të stiluar flokët. Kjo përpjekje e diktatorit bëhet për të mos futur në vend trendet perëndimore, të cilat i sheh si kërcënim për regjimin e tij.
Në një letër të publikuar nga media shtetërore e Koresë së Veriut ai shkruante se rruga që po bën Kina dhe Koreja e Jugut përmes modës po kthehet në një kërcënim serioz në Korenë e Veriut. Ai apelonte që adoleshentët të përgatiteshin sa më herët për shërbimin ushtarak./ b.h
