Lideri i Koresë së Veriut, Kim Jong ka deklaruar se shkencëtarët e vendit të tij kanë prodhuar mbushje bërthamore të vogla që mund të transportohen nga raketat balistike. Media shtetërore publikoi pamje që tregonin Kim teksa qëndronte pranë asaj që duhet të ishte një armë në miniaturë.
Deklarata është e pamundur të verifikohet nga pamjet dhe ekspertët prej kohësh hedhin dyshime mbi këto njoftime të regjimit të Phenianit.
“Mbushjet bërthamore janë standardizuar për të qenë në përputhje me raketat balistike, duke i zvogëluar ato. Ky mund të quhet një sukses bërthamor”, ka thënë Kim.
