Gazetari Mentor Kikia i ftuar në emisionin Arena nga Dritan Hila ka thënë se përpjekjet e opozitës për të bllokuar bashkitë që drejtohen nga ta, dhe për të mos lejuar kryetarët e rinj socialistë të hyjnë në zyra, është një përpjekje e pavlerë e opozitës.
Kikia: Më duket një luftë me mullinjtë e erës kjo përpjekja për të mbajtur bashkitë, pasi në pjesën dërrmuese Bashkitë kanë qenë të PS, ku në pjesën dërrmuese ose janë konfirmuar kandidatët që nuk ka nevojë për ceremonira, ose kanë ndërruar vetëm emrat. Bëhet fjalë për një minimum Bashkishë me në krye Shkodrën, apo Kavajën. Mu dukën përpjekje pa asnjë vlerë, pasi dështoi përpjekja për ta rrëzuar qeverinë në mënyrë të dhunshme, pasi dështoi përpjekja për të pamundësuar mbajtjen e zgjedhjeve, pavarësisht që kush ndërhyri për të mos pasur përplasje të dhunshme, në këtë rast të kërkosh nga 61 bashki mos ndërrimin e pushtetit në 3 bashki, çfarë do të arrihet? Edhe në rastin e Devollit, Shkodrës, e Kavajës, të bllokosh dyert, çfarë pastaj?! Ti ke pranuar të mbahen zgjedhjet. Ky është një aksion pa produktivitet, nuk duhet ta bëjë opozita sot këtë gjë./l.m
