Këshilli i Europës i ka dhënë një tjetër shuplakë opozitës teksa ka konfirmuar sot se është në monitorim të zgjedhjeve vendore të 30 qershorit.
Në një deklaratë të zëdhënësit KiE-së për situatën para zgjedhjeve lokale në Shqipëri të publikuar në faqen zyrtare në internet, ky organizëm bën të qartë se zgjedhjet vendore të së dielës duhet të zhvillohen në përmbushje të të gjitha detyrimeve dhe standardeve ndërkombëtare të zgjedhjeve dhe në përputhje të plotë me legjislacionin shqiptar.
Një deklaratë kjo që përgënjeshtron deklaratat e kreut të opozitës, Lulzim Basha dhe përfaqësuesve të LSI-së të cilët gjatë ditës së djeshme u përpoqën të shpërndajnë informacione të gënjeshtra lidhur me vëzhguesit.
“Ne po e ndjekim me vëmendje situatën para zgjedhjeve të 30 qershorit në Shqipëri, të cilat duhet të zhvillohen në përputhje me të gjitha detyrimet dhe standardet ndërkombëtare për zgjedhje dhe po ashtu në përputhje me legjislacionin kombëtar. Në këtë kontest, ne duam të rikujtojmë se Këshilli i Evropës ka një marrëdhënie të gjatë dhe mjaft të konsoliduar me OSBE/ODIHR-in, i cili ka dërguar një mision për mbikëqyrjen e zgjedhjeve në Shqipëri”, – thuhet në deklaratën e zëdhënësit të KiE./l.m
