Sezoni kalimtar veror mund të jetë mbyllur për klubet e Premierligës, por sipas të përditshmes spanjolle “AS”, Manchester City është duke e studiuar mundësinë për ta transferuar portierin e Real Madridit, Keylor Navasin.
City dëshiron që me Navasin ta zëvendësojë Claudio Bravon e dëmtuar rëndë ditë më parë, transmeton Gazeta Express. Përfaqësuesi kilian Bravo pritet ta humbasë shumicën e sezonin të ri pasi e ka këputur tendinin në thembër.
Pep Guardiola dëshiron konkurrencë në cdo repart, prandaj dhe dëshiron ta transferojë Navasin sa më shpejt, në mënyrë që Ederson, numri një i Cityt, të mos jetë pa rival.
Për më tepër, Navas tanimë s’e ka vendin e sigurt në Madrid, pas transferimit të Thibaut Courtois. (b.an)
