Shtohen akuzat për ngacmime seksuale ndaj Kevin Spacey. Një ish asistent ka treguar se Spacey e kishte kthyer sheshxhirimin e “House of Cards” në një ambient ‘toksik’ pune për shkak të ngacmime seksuale të tij pafund.
Tetë persona që punojnë në serialin e suksesshëm të Netflix-it apo kanë qenë pjesë e tij në të shkuarën, rrëfyen për CNN-in eksperiencat e hidhura gjatë bashkëpunimit me aktorin e famshëm hollivudian, ku treguan për ngacmimet seksuae
Njeri prej tyre tha se Spacey e ka sulmuar seksualisht gjatë njërit prej sezoneve të hershme të serialit. Ai, ashtu si edhe të tjerët foli në kushte anonimati nga frika e pasojave profesionale që mund të ketë ngritja e zërit në këtë rast. Spacey, sipas tyre kishte sjelljen e një “grabitqari”.
Komentet e vrazhda, shënjestrimi i pjesëtarëve të stafit të produksionit kryesisht meshkuj e të rinj, si dhe prekjet e papërshtatshme ishin të zakonshme për yllin hollivudian. Me të tilla dëshmi, apologjia e Spaceyt për personin e parë që e akuzoi, aktorin Anthony Rapp, nuk pi me ujë.
Ai kërkoi ndjesë për një incident të përpara 30 viteve, të cilin tha se nuk e kujtonte sepse kishte qenë i pirë, por pretendimet e reja tregojnë se qëndrimi agresiv i Spacey-t është i përsëritur. Publicisti i tij deklaroi të mërkurën se 58-vjeçari po merr trajtim mjekësor pas akuzave të ngritura ndaj tij. Netflix vendosi ta mbyllë serialin popullor ku Spacey është një prej producentëve ekzekutivë.
Ish-asistenti që foli me CNN për agresion ndaj tij kur po e çonte aktorin me makinë në sheshxhirimin e ndodhur rreth 50 km larg Baltimores, por kishte vendosur të mos e raportonte incidentin nga frika e pasojave në karrierë.
a.ç
