Deputeti i Lëvizjes për Zhvillim Kombëtar, Dashamir Shehi, iu rikthye ligjit për zgjedhjet. Nga foltorja e Kuvendit, Shehi shprehu shqetësimin për reformën zgjedhore, ndërkohë që edhe 7 muaj na ndajnë nga zgjedhjet.
Ai tha se të gjithë flasin për zgjedhje të lira dhe të ndershme, por askush nuk interesohet për këtë. Dashamir Shehi kërkoi nga opozita një reflektim, për të ndryshuar ligjin e zgjedhjeve në Shqipëri.
Shehi: Do ti rikthehem ligjit për zgjedhjet. Ditët po ikin dhe askush nuk e ka vënë ujin në zjarr për këtë punë. Ky komision mblidhet apo nuk mblidhet, apo siç tha një koleg këtu edhe kur mblidhemi nuk bëjmë asgjë. Jemi 7 muaj para zgjedhjeve dhe këtu askush nuk mban përgjegjësi. Unë në emër të një grupi të vogla, alternative po vij ta ngre edhe njëherë këtë kërkesë këtu, sepse unë gjykoj që përtej halleve që ka Shqipëria që skanë për të mbaruar, nëse nuk i vëmë një ligj qytetarëve ti japim një shans për të bërë zgjedhje për të qenë, të gjitha të tjerat kanë një vlerë relative.
Ne këtu në këtë sallë, ata që janë përjashta, kemi dalë nga këto zgjedhje dhe ditën që këto zgjehdje do jenë një lloj akrobacie ka humbur Shqipëria, kemi humbur të gjithë.
Ne kemi paraqitur një dokument pranë Ilir Metës, bëmë edhe një gjysme shou, kjo kryesi duhet të sjepte një përgjigje, që kjo që propozoni ju nuk bëhet, nuk është e drejtë.
Të gjithë këtu flasin për zgjedhje, të gjithë duan zgjedhje të lira dhe të ndershme, të gjithë jemi për rekomandimet e OSBE/ODIHR dhe prap shkojmë në zgjedhje me ligjin e vjetër dhe situatën e vjetër, por gjithnjë të përkeqësuar. Çfarëdolloj vjedhje zgjedhjesh, çfardolloj abuzimi, fillon dhe kolaudohet të nderuar kolegë. Ajo që dikur ishte një sakrilegj i madh sot është bërë një rutinë.
Unë mendoj që meqë situata ka rrëshqit deri këtu dhe i kam parë propozimet e krerëve dhe grupeve të partive të mëdhaja që numërimi elektronik është i pamundur për tu bërë. Unë me mendjen kam gjykuar që bëhet, bëhet edhe shpenzimi nuk është kaq katastrofik. E megjithatë nëse nuk bëhet votimi elektronik, të bëhet numërimi.
U fol kaq vjet këtu që do të ti depolitizojmë komisionet, realiteti është thyer. Në këtë parlament kanë filluar negociatat kush do të jetë kryetari i KQZ. Kjo punë është e paragjykuar që në prencip. Këtu kanë dalë teza të reja. PS ofroi votimin e emigrantëve. Shumë ide e mirë, por nuk realizohet për 6 muaj.
Edhe njëherë do ju kërkoja të reflektoni për këtë çështje. Nuk është puna se po kërkojmë ne disa të drejta që ndoshta nuk i garantojmë dot. Nuk është ky problem. Unë gjykoj që problem më i madh është i kolegëve të mij opozitar që janë në një pozicion të vështirë dhe njëkohësisht jeni në vështiresi se me këtë ligj siç na i vjedhin ne të vegjëlve do ja vjedhin edhe të mëdhenjve.
Në radhë të parë duhet të jeni ju që të reflektoni për këtë punë, të shkojmë ta lëvizim këtë status këtë emër që kanë marrë zgjedhjet në Shqipëri për ti rikthyer një minimum dinjiteti edhe shqiptarëve. /oranews/a.k
