Trupi ka mënyrat e veta për të dhënë indikacione se në trupin tuaj mungojnë vitamina të caktuara, kështu që duhet t’i kushtoni vëmendje të veçantë disa gjërave në mënyrë që të dinë se çfarë po ndodh.
Buzët e plasaritura
Lëkura e thatë në buzë dhe të çarat në to janë jo vetëm vizualisht të shëmtuara, por mund të jetë një shenjë se në trup diçka po mungon. Nëse balsami për buzë nuk ndihmon, ndoshta kjo vjen nga mungesa e vitaminës nga grupi B, si dhe zinkut dhe hekurit.
Çarjet në anën e buzëve ndodhin shpesh te vegjetarianët të cilët ende nuk e kanë mësuar se si në mënyrë të duhur të zëvendësojnë disa gjëra. Trupi ka nevojë për proteina esenciale që mund të funksionojë normalisht dhe problemi mund të ndodhë në një periudhë të dietave strikte, shkruan gazeta “Zëri”.
Zgjidhja: Hani më shumë peshk tuna, salmon, vezë, kikirikë dhe bishtajore. Hekuri tretet më lehtë kur kombinohet me vitaminë C, prandaj përpiquni që ushqimi juaj të përfshijë sa më shumë fruta agrume.
Humbja e flokëve
Deri te humbja e flokëve ndodh për shumë arsye, njëra prej të cilave, gjenetika, është kruciale. Megjithatë, gjithashtu mund të jetë të ushqyerit e gabuar, prandaj nuk është aspak e pazakontë që gjatë dietave të gjata dhe agresive të vërejmë skuqje në lëkurë dhe të fillojmë të humbasim flokët.
Zakonisht kemi të bëjmë me mungesë të biotinës (vitaminës B7), e cila është e njohur edhe si “vitamina për flokë”. Problemi është se trupi nuk depoziton shumicën e vitaminave nga grupi B, prandaj duhet të futen rregullisht, ashtu si edhe vitamina C.
Zgjidhja: Hani më shumë vezë të ziera (por mos e teproni në qoftë se keni problem me kolesterol), avokado, kërpudha, sojë, arra, luleshtrydhe dhe banane, shkruan “Zëri”.
Mpirja e duarve dhe këmbëve
Derisa kjo mund të jetë një shenjë se diçka është e gabuar me sistemin nervor periferik apo se keni problem me qarkullimin e gjakut, marrja e disa vitaminave mund të ju ndihmojë. Përsëri, është fjala për grupin problematik B, kurse këtë herë duhet të që të përqendroheni në vitaminat B9, B6 dhe B12.
Zgjidhja: Konsumoni spinaq, karrota (mundësisht të papërpunuara), asparagus, vezë, fasule dhe midhje.
Dhimbje në muskuj
Çdo atlet do të ju thotë se kjo ka të bëjë me mungesën e magnezit, kalciumit dhe kaliumit. Kjo është në fakt një dukuri mjaft e zakonshme dhe pothuajse gjithmonë mund të zgjidhet me një futje në rritje të ushqimeve që janë të pasura me këto minerale. Kjo është më e zakonshme tek njerëzit të cilët praktikojnë ushtrime të vështira dhe që me anë të djersës humbin një sasitë të mineraleve.
Zgjidhja: Hani më shumë banane, bajame, lajthi, qershi, mollë, brokoli, dhe spinaq.
