Presidenti serb, Aleksandër Vuçiç ka dhënë një mesazh për shqiptarët. Gjatë intervistës për emisionin ‘Opinion’, presidenti është shprehur se “Shqiptarët i kanë veshët e ndjeshme si serbët dhe kryesisht nuk duan të dëgjojnë atë që nuk u pëlqen”.
Po ashtu ai ka treguar edhe dy qytetet e Shqipërisë të cilat donte ti vizitonte.
Aleksandër Vuçiç: Shqiptarët i kanë veshët e ndjeshme si serbët dhe kryesisht nuk duan të dëgjojnë atë që nuk u pëlqen pasi kanë të vërtetat e tyre dhe kryesisht të mbuluara disa herë me emocione të rënda. Por, për njerëzit racional duhet ta kuptojnë që kompromisi është e vetmja mënyrë për zgjidhje dhe nëse kjo nuk ndodh frikësohem për të ardhmen edhe të popullit tim, por edhe popullit tuaj.
Idro Seferi: Do të shkoni në Shqipëri, por nëse do të shkonit jashtë Tiranës, ku do të shkonit së pari?
Aleksandër Vuçiç: Do të doja të njihem, pasi nuk kam qenë kurrë në Shkodër, as në Vlorë. Ajo që kam dëgjuar nga njerëzit që e dinë këtë, thonë se ka një bregdet jashtëzakonisht të bukur. Kur kam qenë në Tiranë jam ndjerë mirë. Kanë qenë disa protesta. Por, edhe këtu ka protesta ja siç dëgjoni dikush po bërtet tani këtu jashtë, nuk e di se për çfarë por jam mësuar në protesta për çdo ditë. /l.m
