Për muzikën kjo është periudha më e mirë për të publikuar materiale të reja dhe në sinkron me motin e nxehtë që nis të bëjë me çeljen e sezonit turistik veror.
Pas publikimeve të materialeve të reja muzikore të artistëve si Soni Malaj e Ermal Mamaqi gjatë kësaj fundjave, edhe një nga këngëtarët më me shumë fansa në Shqipëri, Noizy ka publikuar këngën e tij më të re nën titullin “Big Body Benzo”.
Siç e shohim edhe në këtë klip, realizimi i videove të kësaj vere ofron ende modelin e djemve me Lamborgini apo Benz në këtë rast shoqëruar edhe me orat Rolex. Duket se jo shumçka ka ndryshuar edhe këtë sezon në tregun muzikor shqiptar.
